You are in:  Women's Institute > About the WI > NFWI-Wales > Masnachu mewn Pobl >

Masnachu mewn Pobl

Ar 17 Hydref 2007, ymunon ni ar y cyd ag Amnest Rhyngwladol Cymru mewn ymgyrch i helpu dioddefwyr masnachu ar gyfer y fasnach ryw yng Nghymru.  Mae ymchwil diweddar gan Amnest Rhyngwladol Cymru wedi darganfod bod masnachu pobl yn broblem sy’n tyfu mewn mwy a mwy o rannau o Gymru.  Nid yw wedi ‘i gyfyngu i ddinasoedd fel Caerdydd a Chasnewydd yn unig; mae’n digwydd hefyd mewn rhannau o gymunedau gwledig fel Penmaenmawr, Bae Cemaes, Rhuddlan a Bae Colwyn.

Marylyn Haines Evans, Cadeirydd FfCSYM-Cymru; Cathy Owens, Amnest Rhyngwladol ac Ann Jones AS, Cadeirydd y Pwyllgor Cyfle Cyfartal

Ar 23 Mawrth 2007, arwyddodd llywodraeth y DU Gonfensiwn Cyngor Ewrop ar Weithredu yn erbyn Masnachu mewn Pobl ac mae hyn yn rhoi goblygiadau ar Lywodraeth y Cynulliad i weithredu a buddsoddi er mwyn cefnogi dioddefwyr yng Nghymru. Mae ein hymgyrch yn galw ar Lywodraeth Cynulliad Cymru i:-
• Ddarparu llety diogel ar gyfer dioddefwyr masnachu mewn pobl yng Nghymru;
• Ddarparu gwasanaethau cymorth, gofal meddygol a chyngor cyfreithiol yng Nghymru

Mae cannoedd o aelodau wedi cefnogi’r ymgyrch drwy ddanfon cerdyn post ymgyrchu at eich AS leol a’r Prif Weinidog.

Portread
Cafodd deiseb ar ffurf portread trawiadol a wnaed allan o gannoedd o gardiau post wedi’u llofnodi ei gyflwyno i’r Prif Weinidog mewn digwyddiad yn y Senedd ar 18 Mehefin a noddwyd gan Joyce Watson AC, Cadeirydd y Grŵp Trawsbleidiol ar Farchnata mewn Merched a Phlant.