A modern voice for today’s woman

You are in:  Women's Institute > About the WI > NFWI-Wales > Prosiectau >

Prosiectau

Timau Eco

Yn dilyn grant gan Amgylchedd Cymru, cafodd 14 aelod eu hyfforddi fel arweinwyr Tîm Eco mewn diwrnod hyfforddiant yng Nghaerfyrddin ar 24 Medi 2007.

Sefydlwyd 13 Tîm Eco, yn cynnwys rhwng 6 a 7 aelod, a oedd yn cyfarfod unwaith y mis dros bedwar mis i archwilio siopa, bwyd, trafnidiaeth, gwastraff ac egni yn y cartref. Roeddent yn rhannu syniadau a chefnogi eu gilydd wrth ymgymryd â gweithredoedd syml ac ymarferol i ddysgu am sut mae newid yn yr hinsawdd yn gysylltiedig â’u bywydau bob dydd.

Mae’r Tîm Eco o dan arweiniad Ann Jones o Landdewi Brefi wedi cael ei gynnwys fel astudiaeth achos mewn DVD a gynhyrchwyd gan Lywodraeth Cynulliad Cymru - Taclo Newid Hinsawdd Gyda’n Gilydd.  Fedrwch ddadlwytho’r DVD o wefan Cynnal Cymru.

Oes diddordeb gennych mewn sefydlu neu cymryd rhan mewn Tîm Eco yn eich cymuned?  Mae ein harweinwyr Timau Eco hyfforddedig o Geredigion, Morgannwg a Sir Gâr ar gael i gefnogi aelodau o ffederasiynau eraill i sefydlu timau. Am ragor o wybodaeth neu i gymryd rhan, cysylltwch â Swyddfa FfCSYM-Cymru ar 029 2022 1712.

Prosiect 'Women into Sensible Exercise'

Mae Cyngor Chwaraeon Cymru yn cyllido Ffederasiynau Morgannwg, Gwent a Gwynedd Meirionnydd i ddatblygu rhaglen o weithgareddau corfforol ar gyfer aelodau.Ceredigion members participating in a belly dancing class
Mae’r amrywiaeth o weithgareddau sy’n cael eu cynnig yn cynnwys:
• golff, T'ai Chi, bol ddawnsio ym Morgannwg;
• bowlio, erobeg dŵr a pilates yng Ngwent; a
• chroce, dawnsio gwledig a T'ai Chi yng Ngwynedd Meirionnydd.

 

Garddio gydag Ysgolion

Derbyniodd dros 100 o ysgolion cynradd cefnogaeth gan aelodau Sefydliad y Merched i ddatblygu eu gerddi ysgol yn ystod gwanwyn 2006 a 2008.Catwg Primary School, Neath Port Talbot

Sefydlwyd y prosiect er mwyn rhoi cyfle i blant gael profiad ymarferol o greu ardaloedd llysiau a bywyd gwyllt a chymryd rhan mewn gweithgareddau fel plannu a chadw gardd.

Clawr y llyfryn garddio

Mae llyfryn astudiaethau achos wedi cael ei gynhyrchu sy’n nodweddi tri deg dau o’r gerddi a ddatblygwyd.  Gobeithiwn y bydd y llyfryn yn symbylu mwy o ysgolion a grwpiau cymunedol i ddatblygu er budd iechyd a lles pobl yn ogystal ag fel lle i blant ddysgu a chwarae ac fel cynefin diogel i fywyd gwyllt.

Medrwch ddadlwytho’r llyfryn trwy ddilyn y cyswllt ar ochr dde'r dudalen. I dderbyn copi caled, danfonwch amlen A4 wedi’i stampio (78c) at FfCSYM-Cymru, 19 Heol yr Eglwys Gadeiriol, Caerdydd  CF11 9HA.

Merched yn Gwneud Gwahaniaeth

Mae’r prosiect hwn yn addysgu a rhoi’r grym i ferched dros Gymru i gyfrannu i’r prosesau gwneud-penderfyniadau sy’n effeithio ar eu bywydau.Women from Newport participating in the Engendering Change training course.

Wedi ei lansio gan FfCSYM-Cymru, Oxfam a Chlymblaid Genedlaethol Merched Cymru yn Rhagfyr 2005, mae’r prosiect yn ymwneud a chyfraniad merched yn y rhaglen hyfforddi ‘Engendering Change’. Prif elfennau’r hyfforddiant ydy :-

• i gynyddu gwybodaeth a dealltwriaeth merched o’r cyfleoedd ‘i’w lleisiau i gael eu clywed’ a sut meant yn gallu cyfrannu’n bersonol at brosesau gwneud-penderfyniadau ar unrhyw lefel, yn lleol neu genedlaethol; ac

• i ysgogi merched i gymryd rhan mewn hyfforddiant er mwyn defnyddio eu sgiliau newydd, gwybodaeth a hyder mewn modd ymarferol i wella ansawdd bywyd i ferched yn eu cymunedau eu hun.

Mae’r prosiect ar hyn o bryd yn targedu merched sy’n byw yng Nghasnewydd, Pen y Bont ar Ogwr, Blaenau Gwent, Ynys Môn, Neath Port Talbot a Wrecsam ac sydd eisiau ‘gwneud gwahaniaeth’ yn eu cymunedau.

Ariannir y prosiect gan Ymddiriedolaeth Elusennol Joseph Rowntree, Ymddiriedolaeth Lloyds TSB ar gyfer Lloegr a Chymru, Oxfam a FfCSYM-Cymru.

Mae gwybodaeth bellach ar gael oddi wrth Paula Manley, Cydlynydd Rheoli, sydd yn gweithio yn Swyddfa FfCYM-Cymru. Rhif ffôn:  029 2022 1965.